बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
मंगलवार, जेठ २७ २०७७
नेपाल वाइड
रुकुम पश्चिमको चौरजहारी, सेती घटनाको अनुसन्धान गर्न बनेको संसदीय विशेष छानबिन समितिका संयोजक देवेन्द्र पौडेलले घटनाको सत्यतथ्यलाई वाहिर ल्याउने प्रतिबद्धता जनाउनुभएको छ । संयोजक पौडेलले भने, ‘भर्खरै समिति गठन भएको छ । तुरुन्तै समितिको बैठक बसेर कार्ययोजना बनाएर अघि बढ्छौं ।’ समितिले निष्पक्षरुपमा घटनाको सत्य, तथ्य बाहिर ल्याउने वँहाले बताउनुभयो । घटनाको अनुसन्धानका लागि सोमबार सांसद देवेन्द्र पौडेलको संयोजकत्वमा ९ सदस्यीय छानबिन समिति गठन भएको हो । छनविन समितिमा एकवाल मियाँ, दुर्गा पौडेल, पार्वतीकुमारी विशुन्के, प्रकाश रसाइली, विमला बिक, महेश्वरजंग गहतराज, मिनबहादुर बिश्वकर्मा र रामसहायप्रसाद यादव सदस्य छन । समितिले ३० दिनभित्रमा प्रतिवेदन वुझाउनुपर्नेछ । अन्तरजातीय प्रेमको विषयमा नवराज विक सहित ६ जनाको जेठ १० गते सामूहिक हत्या भएको थियो । घटनाको देशव्यापि विरोध भईरहेको छ ।
