बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
मंगलवार, भाद्र २ २०७७
नेपाल वाइड
गायक प्रदिप राई आफ्नी दश वर्षीया भतिजी वर्षा राईसँगै साँगीतिक क्षेत्रमा उदाएका छन । सांगितिक क्षेत्रमै आफ्नो भविश्य खोजीरहेका गायक प्रदिप ‘साप्सुको छल्को’ बोलको गीत लिएर साँगीतिक दुनियाँमा उदाएका हुन् ।
स्वर्णिम सुदिप र एस पल्लवको शब्द रचना रहेको उक्त गीतमा आफ्नै जन्मभूमि खोटाङको विभिन्न पर्यटकीयस्थलहरुको वर्णन गरिएको छ । किराँत राई साँस्कृतिक कलाकार सङ्घले आयोजना गरेको यलम्बर सँगीत प्रतियोगिताको तेस्रो सँस्करणमा सेकेण्ड रनरअप भएका गायक प्रदिपको यो पहिलो गीत हो ।
गायक तथा सँगीतकार जनम थुलुङको सँगीत रहेको गीतको संयोजन राजु कार्कीले गरेका छन् । म्युजिक भिडियोसमेत निर्माण गरिएको लोक–आधुनिक विद्यामा आधारित गीतमा मायाँ पिरतीको भाव झल्किने शब्दहरु संयोजन रहेको छ ।
प्रवेश राईको निर्देशनमा निर्माण गरिएको यो गीतको म्युजिक भिडियो गायक तथा सँगीतकार थुलुङको व्यक्तिगत युट्युब च्यानल ‘जनम थुलुङ’मार्फत सार्वजनिक गरिएको छ ।
दिक्तेल रुपाकोट मझुवागढी नगरपालिका–११ खार्मीमा जन्मिएका गायक प्रदिप राई स्टेज प्रस्तुतिमा निक्कै रुचाईएका कलाकारमा पर्दछन ।
