बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
बिहिवार, भाद्र ४ २०७७
नेपाल वाइड
सांकेतिक तस्विर
प्रदेश २ मा मास्क नलगाई हिँड्ने १ लाख २० हजार जनालाई प्रहरीले कारबाही गरेको छ । कोरोना जोखिममा पनि मास्क नलगाई हिँड्ने प्रवृत्ति बढेपछि प्रहरीले लकडाउन अवधिमा यतिको संख्यामा कारबाही गरेको हो ।
प्रदेश २ का प्रहरी प्रमुख डीआईजी धीरजप्रताप सिंहका अनुसार लकडाउनको सुरुवाती समयमा प्रहरीले मास्क नलगाउनेलाई सम्झाइ-बुझाई गर्दै आएको थियो । तर जोखिम पनि बढ्दै जाने र मास्कसमेत नलगाउने प्रवृत्ति बढेपछि प्रहरीले आर्थिक कारबाहीसमेत गरेको उनले बताए ।
उनले मास्क नलगाउनेलाई गरिएको कारबाहीबाट ५६ लाख रुपैयाँ राजस्वसमेत संकलन भएको बताए । मास्क नलगाउनेबाट एक सय रुपैयाँ जरिवाना लिइएको थियो । प्रदेश २ कोरोना संक्रमणको उच्च जोखिम क्षेत्रमा रुपमा देखिएको छ । डीआईजी सिंहले भने, “कोरोनाविरुद्धको लडाइँ साँझा हो । यसमा हामी स्वयं सबैभन्दा बढी जिम्मेवार बन्न जरुरी छ ।
यस्तो बेलामा स्वास्थ्य सतर्कता नअपनाउने हो भने जोखिममा पर्न सक्छौं ।” डीआईजी सिंहका अनुसार मास्क नलगाउनेविरुद्ध प्रहरी सक्रिय भएपछि अहिले मास्क प्रयोग गर्नेको संख्या बढेको छ ।
