बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
बुधवार, माघ २६ २०७८
भिमसेन थापा मगर
मेरो देशमा
देवासुर सङ्ग्राम चलिरहेछ ।
देवताहरु निरिह बनिरहेछ
असुरहरु चम्किरहेछ
बृहस्पतीको तेज घटिरहेछ
सुक्राचार्य तेज बढाइरहेछ ।
देवताहरु मायावी षड्यन्त्र बुनिरहेछ
असुरहरु मायावी षड्यन्त्र तोडिरहेछ
कोहि बुद्दी देखाइरहेछ
कोहि बल देखाइरहेछ ।
सन्जिवनी ढुङ्ग्रो लुकाएर
देवगुरु पुत्र शिक्षाको भिक्षा माग्न निक्लिएको छ
असुरगुरु पुत्री प्रेमको पासोमा फसिरहेछ
रक्सीसङ्ग सन्जिवनी बिद्या बाड्न
आफ्नै शिष्यको कुकर्मले असुरगुरु बाध्य छ ।
सन्जिवनी बिद्या भएका
बृहस्पति पुत्र र असुर गुरु बारम्बार पुन;जीवन पाइरहेछ
सङ्ग्राम जारी छ
देवताहरु र असुरहरु तिनै लोकमा अधिपत्य दाबी गरिरहेछ
मेरो देशमा
देवासुर सङ्ग्राम चलिरहेछ ।
र
मान्छेहरु
मान्छेहरु भोकमरी र रोगमरी टुलुटुलु हेरिरहेछ ।
कवि भिमसेन थापा मगर
