बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
आइतवार, चैत्र ४ २०८०
नेपाल वाइड
खोटाङ, ४ चैत । जिल्ला समन्वय समिति खोटाङका सदस्य दिलकुमारी राईले आफ्नो गाउँका किसानलाई बेसारको बीउ निःशुल्क बाँडेकी छन् । केपिलासगढी गाउँपालिका–२ खार्ताम्छा निवासी राईले स्थानीय डाँडागैरी वित्तीय समुहमा आवद्ध किसानलाई बेसारको १३३ केजी बीउ निःशुल्क प्रदान गरेकी हुन् । बाँझिएको जग्गामा बेसार खेती गर्दै आर्थिक उपार्जनका लागि वित्तीय समुहमा आवद्ध स्थानीयलाई बेसारको बीउ प्रदान गरेको जिल्ला समन्वय समिति राईले बताईन् ।
वित्तीय समुहमा खार्ताम्ताका ३३ जना आवद्ध छन् । समुहले बाँझिदै गएको जग्गामा बेसार खेती गर्ने निर्णय गरेसँगै राईले हौसला स्वरुप बेसारको बीउ उपलव्ध गराएकी हुन् । ‘गाउँमा बाँझो जग्गा धेरै भए । त्यस्ता जग्गामा बेसार खेती गर्न सकिन्छ । बजारमा लगेर आम्दानी गर्न सकिन्छ भनेर सल्लाह दिएको थिएँ,’ राईले भनिन्, ‘तर कसैले बीउ किन्ने पैसा छैन भने, कसैले बीउ छैन भनेकाले व्यक्तीगत रुपमा बेसारको बीउ बाँडेकी हुँ ।’
