बिहिवार, कार्तिक १३ २०८३Oct 29 2026
- ताजा अपडेट :
बिहिवार, कार्तिक १३ २०८३Oct 29 2026
मंगलवार, मंसिर २ २०८२
नेपाल वाइड
खोटाङ, २ मंसिर । जेनजी युनाइटेड मुभमेन्टले राष्ट्र एकता र जेनजी समुदायको एकताको सन्देशसहित खोटाङको दिक्तेलबजारमा शान्ति पदयात्रा गरेको छ । पूर्व मेचिदेखि पश्चिम महाकालीसम्म जेनजी एकताको अभियान थालेको जेनजी युनाइटेड मुभमेन्टले मंगलबार दिक्तेलमा देशभक्ति गीत, नेपाली झण्डा र विभिन्न प्लेकार्डसहित पदयात्रा गरेको हो ।
पदयात्रामा सहभागी युवाहरूले ‘जेनजी युनाइटेड फर परिवर्तन’, ’एक भएन भने देशको घाउ निको हुने छैन’, ‘विभाजनले जेनजीको भावना मर्छ, एकताले परिवर्तन जन्माउँछ’, ’भ्रष्टाचारीलाई उन्मुक्ति, जेनजीलाई कैद’, ‘देश दुःखेको बेला एक हौँ’ जस्ता नारासहितका प्लेकार्ड प्रदर्शन गरेका थिए ।
युनाइटेड मुभमेन्टले दिक्तेलस्थित किरातचोकबाट बेसक्याम्प हुँदै हाँटडाँडा तथा हाँटडाँडादेखि हेलिप्याडसम्म शान्ति पदयात्रा प्रदर्शन गरेका हुन् । कार्यक्रममा सहभागी जेनजी युनाइटेड मुभमेन्टमा आवद्ध युवाले शहीद तथा घाइतेहरूका सपना पूरा गर्न जेनजीहरूको एकता आवश्यक रहेको बताएका छन्। उनीहरूले जेनजी युवालाई एकतावद्ध हुन आग्रहसमेत गरेका छन् ।
जेनजी युनाइटेड मुभमेन्टको पहिलो काम जेनजीहरूलाई एकतावद्ध गर्नु भएको बताउँदै जेनजी एकताका लागि वार्ता तथा संवाद भइरहेको जेनजी प्रतिनिधि तपसेन राईले बताए । “हामी एक भयौँ भने मात्र आन्दोलनमा ज्यान गुमाएका शहीदहरूले मुक्ति पाउनेछन् ।
पदयात्रापछि हेलिप्याडमा आयोजित सांस्कृतिक प्रस्तुतिहरूमा स्थानीय कलाकारहरूको देशभक्ति गीतमा गायन, नृत्य तथा खोकु छिन्ताङ हत्याकाण्ड, माओवादी जनयुद्ध र जेनजी आन्दोलन समेटिएको सडक नाटक प्रस्तुत गरिएको थियो । दिक्तेलमा भएको यस पदयात्रा राष्ट्रिय एकताको नयाँ अध्याय लेख्ने गरी सुरु गरिएको जेनजी युनाइटेड मुभमेन्टले जनाएको छ ।
